Tert.am. 6-5-2011-Հունաստանի Զինված ուժերի գլխավոր շտաբը Կիպրոսի հյուսիսային հատվածն անվանել է «Հյուսիսային Կիպրոսի Թուրքական Հանրապետություն»։ Այս մասին գրում է թուրքական Milliyet օրաթերթը՝ վկայակոչելով կիպրական Fileleftheros պարբերականը։Fileleftheros–ի փոխանցմամբ՝ Հունաստանի ԶՈւ գլխավոր շտաբը Եվրամիության HELBROC զորախմբի 5–ամյա գործունեության վերաբերյալ կազմած տեղեկագրում թուրքական զորքերի կողմից 1974 թվականից ի վեր օկուպացված Կիպրոսի հյուսիսային հատվածին անվանել է «Հյուսիսային Կիպրոսի Թուրքական Հանրապետություն»։
Կիպրական պարբերականը, տեղի ունեցածը որակելով որպես «հունական վրիպում», նշում է, որ այդ ամենը շատ հարցերի տեղիք է տալիս։
Նշենք, որ Հյուսիսային Կիպրոսի ինքնահռչակ թուրքական հանրապետությունը ողջ աշխարհում ճանաչել է միայն Թուրքիան։
Tehran Time
Yerevan Time
No comments:
Post a Comment