Tert.am. 4-8-2011- Հայաստանի բարձրագույն ուսումնական հինգ հաստատություն առաջիկայում կհասցվեն միջազգային լավագույն չափանիշերին, որպեսզի անցնեն միջազգային հավաստագրում: Ներկայում Հայաստանում երկու հաստատություն է անցել միջազգային հավաստագրման գործընթաց` Հայաստանի ամերիկյան և ֆրանսիական համալսարանները: Առնվազն երեք համալսարաններ ևս կանցնեն հավաստագրման գործընթաց և կբարձրացնեն իրենց որակը:Կառավարությունում այսօր հյուրընկալված Երիտասարդ առաջնորդների ամառային դպրոցի սփյուռքահայ սաների հետ հանդիպման ժամանակ այս մասին ասաց վարչապետ Տիգրան Սարգսյանը:
Նրա խոսքով` համալսարաններն ինովացիոն տնտեսության առանցքն են, քանի որ դրանց շուրջ են ձևավորվում գիտահետազոտական լաբորատորիաները, դրանց շուրջ է համախմբվում ներուժը, դրանցում են որոնում ձեռներեցները գիտական մտքի նոր ստեղծագործություններ, վենչուրային հիմնադրամները հիմնականում համալսարանների շուրջ են ձևավորվում:
«Մենք չենք կարող ունենալ ինովացիոն հասարակություն`չունենալով ինովացիոն համալսարաններ»,- նշեց Հայաստանի գործադիրի ղեկավարը:
Նա երիտասարդներին տեղեկացրեց, որ կառավարության գաղափարախոսության հիմում ընկած է դրույթը, որ ի տարբերություն այլ պետությունների, Հայաստանն այլընտրանք չունի, քան պետությունը կառուցել գիտելիքի վրա: «Ավելին, ոչ միայն տնտեսությունը պետք է կառուցենք` ի նկատի ունենալով մեր ինտելեկտը, ներուժը, գիտելիքը այլև` հասարակությունը: Դրանից են բխում բոլոր ծրագրերն ու առաջնահերթությունները: 21-րդ դարում գերակայություն է կրթությունը, որը պետք է համապատասխանի միջազգային չափանիշերին: Կրթության առանցքը պետք է ձևավորվի համալսարանների շուրջ, ինչպես դա արձանագրել են Եվրամիության երկրները Լիսաբոնյան կոնվենցիայում»,- վստահություն հայտնեց Տիգրան Սարգսյանը:
Tehran Time
Yerevan Time
No comments:
Post a Comment