Panorama.am. 26-10-2011- Իրաքյան Քուրդիստանի նախագահ Մասուդ Բարզանին Իրանի Իսլամական Հանրապետության պաշտոնական հրավերով հոկտեմբերի 29-ին կժամանի Իրան: Այդ մասին հաղորդում է իրանական «ՖԱՐՍ» լրատվական գործակալությունը:Համաձայն հաղորդագրության` Մասուդ Բարզանիին առաջին անգամ կընդունի նաև ԻԻՀ հոգևոր առաջնորդ Սեյյեդ Ալի Խամենեին: Հանդիպում է նախատեսված նաև նախագահ Մահմուդ Ահմադինեժադի, Մեջլիսի նախագահ Ալի Լարիջանիի, Ազգային անվտանգության բարձրագույն խորհրդի քարտուղար Սայիդ Ջալիլիի և ԱԳ նախարար Ալի Աքբար Սալեհիի հետ:
Իրաքյան Քուրդիսթանի նախագահին Թեհրան կատարելիք այցի ընթացքում կուղեկցեն Սոլեյմանիե և Արբիլ նահանգների նահանգապետերը, էներգետիկայի և առողջապահության նախարարները:
Առաջիկա հանդիպման ընթացքում կողմերը կքննարկեն քաղաքական, տնտեսական և առևտրի ոլորտներին առնչվող հարցեր:
Tehran Time
Yerevan Time
No comments:
Post a Comment