Մեկնարկել է WebԾիրան առաջին համահայկական օնլայն կինոփառատոնը

Tert.am. 15-11-2011- Այսօր ժամը 15:00-ից webtv.am ինտերնետ հեռուստատեսությամբ մեկնարկել է WebԾիրան առաջին համահայկական օնլայն կինոփառատոնը: Մինչև դեկտեմբերի 20-ը` բացառապես webtv.am ինտերնետ հեռուստատեսությամբ կցուցադրվի մինչև 20 րոպե տևողության ամենատարբեր ժանրերի 35-ից ավելի ֆիլմ` 6-8 ֆիլմ յուրաքանչյուր շաբաթ: Կցուցադրվեն նաև ԱՄՆ-ում, Ռուսասատնում ապրող մեր հայրենակիցների կողմից նկարահանված ֆիլմեր: Ֆիլմերի ցուցադրության գրաֆիկը կլինի WebԾիրանի, «Ոսկե Ծիրան» միջազգային կինոփառատոնի, webtv.am ինտերնետ հեռուստատեսության ֆեյսբուքյան էջերում: Ֆիլմերը կգնահատվեն ոչ թե որևէ ժյուրիի անդամների կողմից, այլ ինտերնետ քվեարկությամբ` webtv.am հեռուստակայքի վրա կազմակերպված հատուկ քվեարկության միջոցով: Գլխավոր երկու մրցանակները`1000 և 500 ԱՄՆ դոլարին համարժեք դրամային մրցանակները հաղթողներին կհանձնվի դեկտեմբերի 25-ին՝ հատուկ հանդիսությամբ: Կլինեն նաև անակնկալ խրախուսական մրցանակներ։