Եվրասիանեթ. Հայոց ցեղասպանության մասին օրինագիծը Ֆրանսիա-Թուրքիա հարաբերությունների նոր լարվածության առիթ է դարձել

Panorama.am. 14-12-2011- Հայոց ցեղասպանության մասին օրինագիծը Ֆրանսիա-Թուրքիա հարաբերությունների նոր լարվածության առիթ է դարձել: Այս մասին զետեղված է «Եվրասիանեթ»-ի պաշտոնական կայքում:

«Թուրքիա-Ֆրանսիա հարաբերությունները վերջին տարիներին լարված են: Անշուշտ, Ֆրանսիայի նախագահ Նիկոլա Սարկոզին շարունակում է հակադրվել Թուրքիա՝ ԵՄ անդամագրմանը: Երկու երկների միջև նաև տարաձայնություններ են եղել ՆԱՏՕ-ի՝ Լիբիայի ռազմական գործողությունների ծավալման ժամանակ: Այդ ժամանակ Թուրքիայի վարչապետ Էրդողանը քննադատեց Ֆրանսիայի դերը գործողության մեջ և կասկած հայտնեց Ֆրանսիայի նախագահ Ն. Սարկոզի մտադրությունների վերաբերյալ»:
Աղբյուրը նաև նշում է, որ Անկարան խոր հիասթափություն է ապրել այն ժամանակ, երբ Սարկոզին՝ հոկտեմբերին Հայաստան կատարած այցի ժամանակ, կոչ է արել Թուրքիային ընդունել՝ անցյալում Օսմանյան Կայսրության՝ Առաջին համաշխարհային պատերազմի ժամանակ հայերի հանդեպ կատարած վայրագ գործողությունները:
Այնուհետև կայքը նշել է, որ հաջորդ շաբաթ Ֆրանսիայի խորհրդարանի լիագումար նիստում քննարկվելու է Հայոց ցեղասպանությունը ժխտելու համար պատիժ սահմանող օրինագիծը:

«Եվրասիանեթ» նաև հիշեցնում է, ՀՀ նախագահ Սերժ Սարգսյանի՝ Ֆրանսիայում սփյուռքահայերի հետ հանդիպման ժամանակ հնչեցրած հայտարարությունը, որում նշվում է, որ Թուրքիան ի վերջո պետք է ընդունի իր անցյալը ու նրա ղեկավարները պետք է խոնարհվեն ցեղասպանության հուշարձանի առջև: