Tert.am. 2-2-2012- Եթե Ֆրանսիայի Սահմանադրական խորհուրդը չեղյալ հայտարարի ցեղասպանությունների ժխտումը քրեականացնելու մասին օրինագիծը, նախագահ Նիկոլա Սարկոզին Հայոց ցեղասպանության ժխտումը քրեականացնելու մասին նոր օրինագիծ է ներկայացնելու: Այս մասին հաղորդում է ֆրանսիական «Ֆրանսպրես» (AFP) գործակալությունը՝ վկայակոչելով ֆրանսիացի երկու նախարարների խոսքերը:
«Նախագահը նախարարների կաբինետում մեզ ասել է, որ ինքն անմիջապես նոր օրինագիծ է ներկայացնելու, եթե Սահմանադրական խորհուրդը չեղյալ հայտարարի վերջերս Ֆրանսիայի խորհրդարանի կողմից ընդունված օրինագիծը»,- գործակալության հետ զրույցում ասել են նախարարները, որոնք ցանկացել են անանուն մնալ:
Ֆրանսիայի Սենատը հունվարի 23–ի լույս 24–ի գիշերը ձայների 127 կողմ և 86 դեմ հարաբերակցությամբ ընդունեց ցեղասպանությունների ժխտումը քրեականացնելու մասին օրինագիծը (օրինագիծը վերաբերում է Ֆրանսիայի կողմից ճանաչված ցեղասպանությունների ժխտման քրեականացմանը։ Ֆրանսիան Հայոց ցեղասպանությունից բացի ճանաչել է նաև հրեաների ցեղասպանությունը՝ Հոլոքոստը, որի ժխտումն արդեն իսկ քրեականացված է Ֆրանսիայում):
Օրինագծին դեմ հանդես եկած խորհրդարանականները, դրա սահմանադրականությունը վիճարկելու նպատակով, հունվարի 31-ին Ֆրանսիայի Սահմանադրական խորհուրդ դիմում ներկայացրեցին:
Օրինագծի՝ Սահմանադրությանը համապատասխանելու մասին իր տեսակետը խորհուրդը պետք է հայտնի մեկ ամսվա ընթացքում։
Գործակալության հետ զրույցում մեկ այլ նախարար էլ ասել է, թե նախագահ Սարկոզին քննադատել է օրինագծի դեմ հանդես եկած խորհրդարանականներին՝ ասելով, որ նրանք «չեն տեսնում իրենց քթի ծայրը»:
Սարկոզին հավելել է, որ ցեղասպանությունների ժխտում քրեականացնելու մասին օրինագծի չեղյալ հայտարարումը կասկածի տակ է դնելու նաև հրեաների ցեղասպանության ժխտումը քրեականացնելու մասին օրենքը:
Նշենք, որ Ֆրանսիայի Սահմանադրական խորհուրդը կարող է ընդունել երեք հնարավոր որոշումներից մեկը.
1. Օրինագիծը համապատասխանում է Սահմանադրությանը. այս դեպքում Սարկոզիի կողմից ստորագրվելուց հետո այն օրենքի ուժ կստանա:
2. Օրինագիծը մասամբ է համապատասխանում Սահմանադրությանը: Այս դեպքում օրինագիծը կվերադարձվի Ազգային ժողով՝ այն «բարեփոխելու» և Սահմանադրությանը համապատասխանեցնելու համար:
3. Օրինագիծն ամբողջությամբ հակասահմանադրական է: Այս դեպքում օրինագիծն օրենքի ուժ չի ստանա, եթե, իհարկե, Ֆրանսիայի նախագահը չպնդի, որպեսզի հարցը դարձյալ Ազգային ժողով մտցվի (նոր օրինագիծ չներկայացվի)։Thursday, February 2, 2012
Ցեղասպանությունների օրինագծի չեղարկվելու դեպքում Սարկոզին նորը կներկայացնի. AFP
Tert.am. 2-2-2012- Եթե Ֆրանսիայի Սահմանադրական խորհուրդը չեղյալ հայտարարի ցեղասպանությունների ժխտումը քրեականացնելու մասին օրինագիծը, նախագահ Նիկոլա Սարկոզին Հայոց ցեղասպանության ժխտումը քրեականացնելու մասին նոր օրինագիծ է ներկայացնելու: Այս մասին հաղորդում է ֆրանսիական «Ֆրանսպրես» (AFP) գործակալությունը՝ վկայակոչելով ֆրանսիացի երկու նախարարների խոսքերը:
«Նախագահը նախարարների կաբինետում մեզ ասել է, որ ինքն անմիջապես նոր օրինագիծ է ներկայացնելու, եթե Սահմանադրական խորհուրդը չեղյալ հայտարարի վերջերս Ֆրանսիայի խորհրդարանի կողմից ընդունված օրինագիծը»,- գործակալության հետ զրույցում ասել են նախարարները, որոնք ցանկացել են անանուն մնալ:
Ֆրանսիայի Սենատը հունվարի 23–ի լույս 24–ի գիշերը ձայների 127 կողմ և 86 դեմ հարաբերակցությամբ ընդունեց ցեղասպանությունների ժխտումը քրեականացնելու մասին օրինագիծը (օրինագիծը վերաբերում է Ֆրանսիայի կողմից ճանաչված ցեղասպանությունների ժխտման քրեականացմանը։ Ֆրանսիան Հայոց ցեղասպանությունից բացի ճանաչել է նաև հրեաների ցեղասպանությունը՝ Հոլոքոստը, որի ժխտումն արդեն իսկ քրեականացված է Ֆրանսիայում):
Օրինագծին դեմ հանդես եկած խորհրդարանականները, դրա սահմանադրականությունը վիճարկելու նպատակով, հունվարի 31-ին Ֆրանսիայի Սահմանադրական խորհուրդ դիմում ներկայացրեցին:
Օրինագծի՝ Սահմանադրությանը համապատասխանելու մասին իր տեսակետը խորհուրդը պետք է հայտնի մեկ ամսվա ընթացքում։
Գործակալության հետ զրույցում մեկ այլ նախարար էլ ասել է, թե նախագահ Սարկոզին քննադատել է օրինագծի դեմ հանդես եկած խորհրդարանականներին՝ ասելով, որ նրանք «չեն տեսնում իրենց քթի ծայրը»:
Սարկոզին հավելել է, որ ցեղասպանությունների ժխտում քրեականացնելու մասին օրինագծի չեղյալ հայտարարումը կասկածի տակ է դնելու նաև հրեաների ցեղասպանության ժխտումը քրեականացնելու մասին օրենքը:
Նշենք, որ Ֆրանսիայի Սահմանադրական խորհուրդը կարող է ընդունել երեք հնարավոր որոշումներից մեկը.
1. Օրինագիծը համապատասխանում է Սահմանադրությանը. այս դեպքում Սարկոզիի կողմից ստորագրվելուց հետո այն օրենքի ուժ կստանա:
2. Օրինագիծը մասամբ է համապատասխանում Սահմանադրությանը: Այս դեպքում օրինագիծը կվերադարձվի Ազգային ժողով՝ այն «բարեփոխելու» և Սահմանադրությանը համապատասխանեցնելու համար:
3. Օրինագիծն ամբողջությամբ հակասահմանադրական է: Այս դեպքում օրինագիծն օրենքի ուժ չի ստանա, եթե, իհարկե, Ֆրանսիայի նախագահը չպնդի, որպեսզի հարցը դարձյալ Ազգային ժողով մտցվի (նոր օրինագիծ չներկայացվի)։
Subscribe to:
Post Comments (Atom)
Tehran Time
Yerevan Time
No comments:
Post a Comment