Ստամբուլի հայկական դպրոցում Թուրքիայի հիմնի հետ կապված վեճ է տեղի ունեցել

News.am. 15-5-2012- Ստամբուլի հայկական Կարագյոզյան մասնավոր դպրոցում թուրք գրող Մեհմեդ Աքիֆ Էրսոյին նվիրված միջոցառում է տեղի ունեցել, որի ավարտին ուսուցիչներից Նուրդան Շ.-ի հրահանգով 5 աշակերտ կատարել են Թուրքիայի հիմնը։ Թուրքական Haberturk-ի թղթակիցը պնդում է, թե գրական միջոցառման ավարտից հետո դպրոցի փոխտնօրեն Վեհբի Շ.-ն մեղադրել է Նուրդան Շ.-ին՝ իսլամ տարածելու համար, քանի որ նա աշակերտներին ստիպել էր ասել. «Կեցցե իսլամը»։ Նուրդան Շ.-ն դիմել է դատախազություն՝ պնդելով, թե փոխտնօրենը վիրավորել է իրեն՝ ասելով, թե Թուրքիայի հիմնը կատարելով իսլամ է տարածում։ Դպրոցի փոխտնօրենի դեմ դատական գործ է բացվել։