Թուրքական առաջին անօդաչու սարքը փորձնական թռիչք է իրականացրել

Tert.am. 8-8-2012- Թուրքական անօդաչու թռչող սարքը` «Շիմշեք» անվանումով, այսօր առաջին հաջող թռիչքն է իրականացրել. տեղեկացնում է «Անադոլու»գործակալությունը: Սա արդեն ինքնաթիռի երկրորդ մոդելն է, որ ստեղծվել է թուրքական ավիատիեզերական ընկերության կողմից: Սարքի երկարությունը 2.3 մետր է, իսկ թևերի բացվածքը` 1.5 մետր: Քաշը կազմում է 75 կգ, իսկ արագությունը` 740 կմ/ժամ է: Անօդաչու սարքը կարող է օդում մնալ մեկ ժամ: Սարքի ստեղծման աշխատանքներն սկսվել էին դեռևս 2004 թ-ին: Նախագծի վրա աշխատել է 180 ինժեներ: