Թեհրանը դարձյալ հայտարարել է սիրիական ընդդիմության և իշխանության երկխոսությունը կազմակերպելու պատրաստակամության մասին

Tert.am. 9-8-2012- Իրանի արտգործնախարար Ալի Աքբար Սալեհին հայտարարել է, որ աջակցում է սիրիական ճգնաժամի` բանակցային ճանապարհով կարգավորմանը: Ինչպես տեղեկացնում է իրանական Fars գործակալությունը, Սալեհին ասել է, որ պատրաստ է Իրանում անցկացնել բանակցությունները սիրիական իշխանությունների և ընդդիմության միջև:«Մենք Թուրքիային կոչ ենք արել համոզել Սիրիայի` Անկարայի հետ կապ ունեցող ընդդիմադիր խմբերին գալ Իրան»,- ասել է Սալեհին` Թուրքիայից վերադառնալու ճանապարհին: Նախարարի խոսքերով` Թեհրանը թուրքական իշխանություններին առաջարկել է համագործակցել Իրանի հետ, որպեսզի իրադարձությունները տարածաշրջանում նորմալ հունով կընթանան ու կախված չեն լինի արտաքին միջամտությունից: