Իրանը մոտակա շրջանում դեռ միջուկային զենք չի ստեղծի.ԱՄՆ հետախուզություն

Zham.am. 10-8-2012- Ըստ արևմտյան լրատվամիջոցների` ԱՄՆ-ի հետախուզական վարչությունը Բարաք Օբամային ու այլ բարձրաստիճան պաշտոնյաների է ներկայացրել «Իրանում իրականացված ազգային հետախուզության գնահատականը» հաշվետվությունը: Հետախուզության ներկայացուցիչների կարծիքով`Իրանը մոտ ապագայում դեռևս միջուկային զենք չի ստեղծի. «Մենք ենթադրում ենք, որ իրանական միջուկային խնդիրը դիվանագիտական ճանապարհով լուծելու ժամանակ և հնարավորություն դեռ մնացել է` Իրանի կառավարության վրա միջազգային ճնշում գործադրելու միջոցով»: Հաղորդում է РБК-ն: Իսրայելի Պաշտպանության նախարար Էհուդ Բարաքը այս առիթով նկատել է, թե հաշվետվությունը վկայում է իրանական միջուկային վտանգի հարցում Վաշինգտոնի եւ Թել-Ավիվի դիրքորոշումների մերձեցման մասին, ինչը կբերի համագործակցության էֆեկտիվության բարձրացման: