Իսրայելցի նախարարն ասել է, որ երկիրը պատրաստ է Իրանի դեմ պատերազմի

Tert.am. 15-8-2012- Իսրայելի Քաղաքացիական պաշտպանության հարցերով գերատեսչության

ղեկավար Մաթան Վիլնային հայտարարել է, որ Իրանի դեմ հնարավոր պատերազմը մեկ ամսից ավելի չի տևի, իսկ դրան կարող են զոհ գնալ մինչև 500 մարդ, տեղեկացնում է Reuters-ը: Նախարարի խոսքով այս հանգամանքը չպետք է հիստերիայի պատճառ դառնա, քանի որ Իսրայելի քաղաքացիական պաշտպանությունը դեպքերի նման զարգացմանը «առավել քան երբևէ» պատրաստ է: Ընդ որում՝ մանրամասների մասին հարցերին նախարարը հրաժարվել է պատասխանել՝ ասելով. «Հարկավոր չէ ինձ այդ վեճերի մեջ ներքաշել»: Նա նաև նշել է, որ Իսրայելը պետք է անպայման հաշվի առնի ԱՄՆ-ի կարծիքն այս հարցում: Ամերիկյան իշխանությունները առայժմ չեն շտապում հարձակվել Իրանի վրա՝ վախենալով նախևառաջ հակամարտության տնտեսական հետևանքներից: