Բաքուն «Կոբրա» տիպի զրահամեքենաներ է ձեռք բերել Թուրքիայից, հայտնում է ադրբեջանական APA-ն:

Tert.am. 24-9-2012- Ըստ աղբյուրի՝ խոսքը զրահամեքենաների հերթական խմբաքանակի մասին է, որը Բաքու է բերվել օրերս: Նշվում է նաև, որ նոր տեխնիկան ձեռք է բերվել ոչ 2010թ.-ին կնքված պայմանագրի շրջանակներում: 2010թ.-ին թուրքական «Օթոկար» ընկերության հետ կնքված 20,7 մլն դոլարի պայմանագրի շրջանակներում Ադրբեջան էր բերվել 123 միավոր ռազմական փոխադրամիջոց, այդ թվում՝ 35 «Կոբրա», 51 Land Rover Defender և այլն: «Կոբրա»-ն նախատեսված է 13 հոգանոց անձնակազմի փոխադրման համար: 6 տոննա կշռող մեքենայի արագությունը կազմում է 110 կմ/ժ: Հակաականային կայունությամբ այս մեքենայի վրա հնարավոր է տարբեր տեսակի զենքեր տեղադրել: Հետխորհրդային երկրներից «Կոբրա»-ն առկա է Վրաստանի, Ադրբեջանի և Ղազախստանի զինուժերի զինանոցներում: