Հալեպի ազգային Գյուլբենկյան վարժարանի մոտ այսօր երկու պայթյուն է տեղի ունեցել, որոնց հետևանքով
զոհվածների մեջ հայ կա: Ինչպես տեղեկացնում է «ԵՌԱԳՈՅՆ» արևմտահայերեն նորությունների կայքը, Ազգային առաջնորդարանի խոսնակ Ժիրայր Ռեյիսյանը հաստատել է տեղեկությունը և նշել, որ պայթյունի հետևանքով մարդկային կորուստներ են եղել: Ռեյիսյանը տեղեկացրել է, որ առաջին ռումբը պայթել է օդում՝ առանց վնաս հասցնելու, սակայն երկրորդ պայթյունի հետևանքով երկու մարդ է զոհվել: Նրանցից մեկը հայազգի Վարդան Մութաֆյանն է, իսկ մյուսը՝ քրիստոնյա արաբ: Վարդան Մութաֆյանը Դեր էզ Զորի հայ է և Հալեպ էր տեղափոխվել ավելի ապահով ապաստան գտնելու նպատակով: Վիրավորների վերաբերյալ Ռեյիսյանը ստույգ տեղեկություններ չի տվել: Նախնական տեղեկություններով, ըստ Ռեյիսյանի, վիրավորվել է չորս մարդ, սակայն նրանց թվում հայեր չկան: Որոշ լրատվամիջոցներ տեղեկացրել են 10 վիրավորների մասին:
Tehran Time
Yerevan Time
No comments:
Post a Comment