Tert.am. 25-6-2009- Այն ճապոնացիները, ովքեր « ավել կիլոգրամներ» ունեն 40 տարեկան հասակում, միջինը 5-6 տարի ավելի երկար են ապրում, քան նիհարները։ Նման եզրակացության են եկել գիտնականները՝ վերլուծելով Ճապոնիայի առողջապահության և աշխատանքի նախարարության հովանու ներքո անցկացված հետազոտությունը, որին մասնակցել է մոտավորապես 50 հազար մարդ։
Բժիշկները հաստատել են, որ այն ճապոնացի տղամարդիկ, ում մարմնի զանգվածի ինդեքսը 18,5-ից քիչ է ապրում են մոտավորապես մինչև 74,54 տարեկան, իսկ կանայք՝ 81,79 տարեկան։ Իսկ հետազոտության այն մասնակիցները, ովքեր ունեցել են ավել կիլոգրամներ և վերոնշյալ ինդեքսը տատանվել է 25-ից մինչև 30 միջակայքում, ապրել են մինչև 81,64 և 88,05 տարեկան համապատասխանաբար։ Այս մասին հաղորդում է ИТАР-ТАСС-ը։
Հարկ է նշել, որ նման միտում են հայտնաբերել նաև կանադացի հետազոտողները։ Նրանց եզրակացությունն է. նրանք, ովքեր մի փոքր ավելի գեր են, ավելի երկար են ապրում, քան չափազանց նիհարները կամ շատ գերերը։
Saturday, June 27, 2009
Subscribe to:
Post Comments (Atom)
No comments:
Post a Comment