Էրդողանն այսօր մեջլիսում խոսելու է հայ-թուրքական հարաբերությունների մասին

Panorama.am 132.11.2009 - Թուրքիայի վարչապետ Ռեջեփ Թայիփ Էրդողանն այսօր Թուրքիայի ազգային մեծ ժողովում (ԹԱՄԺ) խոսելու է կառավարության դեմոկրատական նախաձեռնությունների մասին (քրդերի, հայերի և Ալևիների հետ կապված հարցեր): Այս մասին տեղեկացնում է թուրքական «Սաբահ» (Sabah) օրաթերթի էլեկտրոնային կայքը: Էրդողանը խորհրդարանի ամբիոնից անդրադառնալու է պետական կարևորության մի շարք հարցերի: Վարչապետի խորհրդարանական ելույթի թեմատիկ օրակարգը ընդհանուր առմամբ, ըստ «Sabah»-ի, լինելու է հետևյալը: Հայկական նախաձեռնություն. Թուրքիայի վարչապետը մեջլիսում խոսելու է հայ-թուրքական հարաբերությունների կարգավորման նշանակության մասին, թե ինչպես է դա դրականորեն ազդելու Թուրքիայի վարկանիշի վրա: Ալիևական նախաձեռնություն. Թուրքիայի կառավարության ղեկավարը, ներկայացնելով մինչև օրս կատարված քայլերն այդ ուղղությամբ, նախանշելու է հաջորդ տարում կատարվելիք աշխատանքները: Քրդական նախաձեռնություն. Էրդողանի բնորոշմամբ` դա պետական քաղաքականության բաղադրիչ է: 30 տարի զինված հակամարտության տեսքով շարունակվող այդ խնդիրն առայժմ մնում է չլուծված: Էրդողանը խոսելու է արյունահեղությունը դադարեցնելու և խնդրին խաղաղ լուծում տալու անհրաժեշտության մասին: