Tert.am. 1-2-2010- Թուրքիայի և Ռուսաստանի նախագահներ Աբդուլլահ Գյուլը և Դմիտրի Մեդվեդևը քննարկել են Հայաստանի Սահմանադրական դատարանի` հայ-թուրքական արձանագրությունների վերաբերյալ կայացրած որոշումը:
Թուրքական լրատվամիջոցների փոխանցմամբ` թուրքական կողմի նախաձեռնությամբ տեղի ունեցած հեռախոսազրույցի ժամանակ Աբդուլլահ Գյուլն իր ռուս գործընկերոջը ներկայացրել է ՀՀ ՍԴ որոշման առնչությամբ պաշտոնական Անկարայի մտահոգությունները:
Թուրքիայի նախագահը ցանկություն է հայտնել, որ Ռուսաստանը մեծացնի իր դերակատարությունը, որպեսզի պաշտոնական Երևանը «հեռու մնա այնպիսի քայլերից, որոնք կվտանգեն հայ-թուրքական արձանագրությունները»:
«Մենք հուսով ենք, որ որևէ մեկը չի ցանկանում վտանգել արձանագրությունների ապագան: Բոլորն են ցանկանում խաղաղություն Կովկասում»,- հայտարարել է Աբդուլլահ Գյուլը:
Հեռախոսազրույցի ընթացքում Գյուլը Մեդվեդևին հրավիրել է Թուրքիա: ՌԴ նախագահն ասել է, որ Թուրքիա կայցելի մայիսին:
Թուրքական լրատվամիջոցների փոխանցմամբ՝ Թուրքիայի և Ռուսաստանի նախագահները քննարկել են նաև ղարաբաղյան հիմնախնդիրը, այդ թվում՝ վերջերս Սոչիում կայացած Մեդվեդև-Սարգսյան-Ալիև եռակողմ հանդիպման արդյունքները։
Monday, February 1, 2010
Subscribe to:
Post Comments (Atom)
No comments:
Post a Comment