Panorama.am. 18-3-2010- Լոնդոնյան իր այցի ժամանակ Թուրքիայում ապօրինի բնակվող հայերին հարկ եղած դեպքում արտաքսելու մասին Էրդողանի հայտարարությունը դատապարտել են նաև Թուրքիայի ընդդիմադիր գործիչները: Այս մասին գրում է «Hurriyet»-ը:
Մասնավորապես «Ազգայնական շարժում» կուսակցության փոխնախագահ Դենիզ Բոլուքբաշը նկատել է տվել, որ եթե իշխանությունները ոտքի կանգնեն ու որոշեն Էրդողանի ասածի պես վտարել Թուրքիայում գտնվող ապօրինի ներգաղթյալ հայերին, ապա գնացքի կայարաններում ու օդանավակայաններում խռնված հայերի հոծ զանգվածները երկրորդ տեղահանության տպավորություն կստեղծեն:
Պատկերացվելիք այդ իրավիճակը թուրք ընդդիմադիր գործիչը բնութգարել է այսպես. «Դա նման կլինի հայերի հացին մեղր քսելուն»:
Անդրադառնալով Թուրքիայում անօրինական բնակություն հաստատած հայերի թվի վերաբերյալ Էրդողանի ճամարտակություններին` Բոլուքբաշն ընդգծել է.
«Այդ թվերը Էրդողանի երևակայության արդյունքն են: Ոչ ոք էլ ստույգ տեղեկություն չունի, թե քանի ապօրինի ներգաղթյալ հայ կա»:
Հիշեցնենք, որ Էրդողանի սուլթանական այդ հայտարարությունը դատապարտել էր նաև մեկ այլ ազդեցիկ ընդդիմադիր կուսակցության` ժողովրդահանրապետականների ղեկավար Դենիզ Բայքալը` համարելով դա վտանգավոր և անհաջող հայտարարություն:
Thursday, March 18, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment