Իլհամ Ալիևը ճանաչե՞լ է Հայոց ցեղասպանությունը

Tert.am. 24-4-2010- Ադրբեջանի նախագահ Իլհամ Ալիևն այսօր Գանջայում տված հարցազրույցում ընդունել է 1915թ. իրականացված Հայոց ցեղասպանությունը։ Իլհամ Ալիևը հայտարարել է. «Հոլոքոստի հետ մեկտեղ Հայոց ցեղասպանությունը պատմության մեջ ցեղասպանության առավել շատ ուսումնասիրված ակտերից է»։ Այսպիսի բովանդակությամբ գրություն էր տեղադրվել Ադրբեջանի կապի և տեղեկատվական տեխնոլոգիաների նախարարության կայքէջում։ Ակնհայտ է, որ սա հակերների ձեռքի գործն է՝ հաշվի առնելով տեքստում տեղ գտած ուղղագրական և բովանդակային սխալները։ Ի դեպ, ադրբեջանցիները չար կատակն արդեն հայտնաբերել են և տեղեկությունը հանել կայքից։