Tert.am. 21-6-2010- Բրազիլիան դադարեցնում է իր միջնորդական առաքելությունն Իրանի միջուկային խնդրի առնչությամբ: Այս մասին Financial Times պարբերականին տված հարցազրույցում ասել է Բրազիլիայի արտաքին քաղաքական գերատեսչության ղեկավար Սելսո Ամորիմը:
Բրազիլիայի արտգործնախարարը նշել է, որ այն բանից հետո, երբ Միացյալ Նահանգների կողմից մերժվեց Իրանի, Բրազիլիայի և Թուրքիայի միջև ստորագրված միջուկային վառելիքի փոխանակման մասին համաձայնագիրը, իր երկիրն այլևս նախաձեռնություններով հանդես չի գալու Իրանի միջուկային խնդրի շուրջ առաջ եկած տարաձայնությունները հարթելու առնչությամբ:
Հիշեցնենք, որ մայիսին Թեհրանում Իրանի, Բրազիլիայի և Թուրքիայի միջև ստորագրվել էր միջուկային վառելիքի փոխանակման մասին համաձայնագիր, որով նախատեսվում էր իրանական ցածրհարստացված ուրանը Թուրքիայի տարածքում փոխանակել բարձրհարստացված միջուկային վառելիքի հետ: Սակայն այս համաձայնագիրը չկանխեց օրեր առաջ ՄԱԿ-ի Անվտանգության խորհրդի կողմից Իրանի դեմ նոր պատժամիջոցներ կիրառելու մասին բանաձևի ընդունումը:
Monday, June 21, 2010
Subscribe to:
Post Comments (Atom)
No comments:
Post a Comment