Խաղատների քանակը Հայաստանում կրճատվում է

Tert.am, 6-8-2010- Հայաստանի ֆինանսների նախարարությունը 2010 թ. յոթ ամսվա ընթացքում տրամադրել է 11 շահումով խաղի, 2 խաղատան կազմակերպման լիցենզիա: Ուժը կորցրած է ճանաչել 13 շահումով խաղի և 2 խաղատան կազմակերպման լիցենզիա: Ֆինանսների նախարարության հաղորդման համաձայն՝ նույն ժամանակահատվածում 14 շահումով խաղի, 3 խաղատան ու 1 վիճակախաղի կազմակերպման լիցենզիաների գործողությունը կասեցվել է: Ընթացիկ տարվա առաջին յոթ ամիսներին խաղատան, շահումով խաղի, վիճակախաղի կազմակերպիչների նկատմամբ կիրառվել է տուգանք, համապատասխանաբար` 9,1 մլն., 7,6 մլն և 600 հազ. դրամի չափով: Նախազգուշացում է կիրառվել 18 շահումով խաղի, 4 խաղատան, 1 վիճակախաղի կազմակերպման լիցենզիաների նկատմամբ: 2010թ. յոթ ամիսներին այս ոլորտից օրենքով սահմանված կարգով գանձվել է 315 մլն դրամ պետական տուրք, որից 215 մլն դրամը` շահումով խաղերի, 100 մլն դրամը` խաղատների գծով: Օգոստոսի 1-ի դրությամբ` Հայաստանում ուժի մեջ է 95 շահումով խաղի, 12 խաղատան, 4 վիճակախաղի կազմակերպման լիցենզիա։