Թուրքիայում միակ «Բուգատտի»-ի տերը ադրբեջանցի է

News.am. 16-8-2010- Թուրքիայում միակ «Բուգատտի Վեյրոն» գերթանկարժեք մեքենայի սեփականատերը ադրբեջանցի գործարար, Palmali Group-ի սեփականատեր Մուբարիզ Մանիսովի եղբայրն է՝ Մարիֆ Մանիսովը։ Թուրքական Star-ի փոխանցմամբ՝ Մարիֆ Մանիսովը օրեր առաջ մեքենան կանգնեցրել էր Իսթինյե այգու մոտ, որտեղ քաղաքացիները հերթ էին կանգնել շքեղ մեքենայի ֆոնին նկարվելու համար: Թուրքիայում «Բուգատտի» մեքենայի ներկայացչությունը պատկանում է «Դողուշ օթոմոթիվին»։ Թուրքիայում հիշյալ մեքենան մաքսազերծված վիճակում արժե 2,5 միլիոն եվրո։