Բուշերի ատոմակայանի վրա վիրուս է հարձակվել

News.am. 27-9-2010- Իրանի իշխանությունները հայտարարել են, թե «օտարերկրյա թշնամիները» խոցել են Բուշերի իրանական ատոմակայանի համակարգչային ցանցը Stuxnet վարակով: ԱԷԿ-ի ղեկավար Մահմուդ Ջաֆարիի խոսքով, կայանին որեւէ վնաս չի հասցվել, հաղորդում է Reuters-ը: Մասնագետները պնդում են, որ Stuxnet-ը ներխուժել է միայն աշխատակիցների անհատական համակարգիչների մեջ: Վարակը, որ մոտ 30 հազար համակարգիչ է խոցել, հաջողվել է վերացնել:
Իրանի իշխանությունները հայտարարություն են տարածել, որում երկրի համակարգչային ցանցերի վրա հարձակման պատասխանատվությունը դրել են Իսրայելի վրա, իսկ հարձակումը «կիբեռահաբեկչություն են անվանել»: