News.am. 15-102010- Թերթն անդրադարձել է Ռուսաստանի հայերի միության ղեկավար Արա Աբրահամյանի եւ նրա պատգամավոր եղբայրների ապօրինի գործունեությանը:«Երեկ մեզ հայտնի դարձավ, որ Արտավազի հողերի վերաբերյալ կայացված դատական վճռի բողոքն արդեն մուտքագրվել է Հայաստանի վճռաբեկ դատարան: Հիշեցնենք, որ ՀՀ Կոտայքի մարզի Արտավազի գյուղական համայնքի սահմաններում գտնվող հողատարածքը արաբ մի շեյխի ներդրումների անվան տակ Ռուսաստանի հայերի միության ղեկավար Արա Աբրահամյանի տխրահռչակ եղբայր Գագիկ Աբրահամյանը փորձում է շուրջ 100 քաղաքացիներից հողեր խլել: Աբրահամյանները շեյխի հետ համատեղ որոշել են հենց այդ հատվածում հանքային ջրերի գործարան կառուցել կամ էլ զվարճանքի փոքրիկ քաղաք, որի հետեւանքով շուրջ 100 քաղաքացի ստիպված է լինելու զրկվելու իրենց ունեցվածքից: ՀՀ էկոնոմիկայի «եվրոնախարար» Ներսես Երիցյանի գործուն ջանքերով այդ հատվածը ճանաչվել է գերակա հանրային շահ: Քաղաքացիները դիմել էին դատարան` բողոքարկելով ՀՀ կառավարության որոշումը, սակայն դատարանը մերժել է հայցը` «հալած յուղի տեղ ընդունելով» կառավարության որոշումը: Սա նշանակում է, որ ՀՀ կառավարությունը հանուն մի շեյխի ու ժլատ պատգամավորի, մարդկանց ունեցվածքը «չորով» խլում է: «Դերեվյաննի» եղբայրները շարունակում են իրենց գրոհը»,- գրում է պարբերականը:
Tehran Time
Yerevan Time
No comments:
Post a Comment