Իգդիրում հակահայկական «ներկայացում» է կազմակերպվել. անդրադարձ է եղել նաև ՀՀ նախագահին

HayNews.am. 6-11-2010- Հայաստանի հետ սահմանակից Թուրքիայի Իգդիր նահանգում թուրքերն ու ադրբեջանիներն ընդգծված հակահայկական միջոցառում են կազմակերպել:

Dogan գործակալության փոխանցմամբ այսպես կոչված «Հայկական անհիմն պնդումների դեմ պայքարի միություն» հորջորջվող մի կազմակերպություն Իգդիրի փողոցներում բացօթյա թատրոն է ներկայացրել: 5 հոգուց բաղկացած միմոսների խումբը «դատական գործընթաց» է ներկայացրել, որում դատում են «Արցախում անպաշտպան ադրբեջանցիների մարդասպանին»:
Վերջինիս «դատելու» հետո խոսել է նաև այս խեղկատակության կազմակերպիչ Գյոքսել Գյուլբեյը, ով լկտիաբար նշել է.
«Մենք բոլորս ադրբեջանցի ենք, մենք բոլորս Խոջալուից ենք: Մենք ցանկանում են պատասխանատվության կանչել Խոջալուի «ոճրագործներին», նրանց թվում նաև ՀՀ նախագահ Սերժ Սարգսյանին»