Tert.am. 6-4-2011- Կիպրոսի թուրքական հատվածում հերթական հարձակումն է իրականացվել լրագրողի դեմ։ Այս մասին տեղեկացնում է թուրքական «Ջիհան» գործակալությունը։
Լրատվամիջոցի փոխանցմամբ՝ պայթել է Կիպրոսում հեռարձակվող Kanal T հեռուստաալիքի ղեկավարներից Մութլու Էսենդեմիրի մեքենայում տեղադրված ռումբը, ինչի հետևանքով Էսենդեմիրը թեթև մարմնական վնասվածք է ստացել ոտքի շրջանում։
«Մեքենայի դուռը բացելուն պես՝ հզոր պայթյուն տեղի ունեցավ, որից հետո ուժեղ ցավ զգացի ոտքիս շրջանում… Տեղի ունեցածը բնութագրում եմ որպես հարձակում մամուլի ազատության դեմ»,– ասել է Էսենդեմիրը, ով արդեն դուրս է գրվել հիվանդանոցից։
Հիշեցնենք, որ մոտ երկու ամիս առաջ հարձակում էր իրականացվել Կիպրոսի թուրքական հատվածում հրատարակվող «Աֆրիկա» թերթի խմբագրության շենքի դեմ։ Անհայտ անձինք կրակել էին խմբագրատան մուտքի դռան վրա և թողնելով սպառնալիքներ բովանդակող մի նամակ՝ հեռացել։
«Մեքենայի դուռը բացելուն պես՝ հզոր պայթյուն տեղի ունեցավ, որից հետո ուժեղ ցավ զգացի ոտքիս շրջանում… Տեղի ունեցածը բնութագրում եմ որպես հարձակում մամուլի ազատության դեմ»,– ասել է Էսենդեմիրը, ով արդեն դուրս է գրվել հիվանդանոցից։
Հիշեցնենք, որ մոտ երկու ամիս առաջ հարձակում էր իրականացվել Կիպրոսի թուրքական հատվածում հրատարակվող «Աֆրիկա» թերթի խմբագրության շենքի դեմ։ Անհայտ անձինք կրակել էին խմբագրատան մուտքի դռան վրա և թողնելով սպառնալիքներ բովանդակող մի նամակ՝ հեռացել։
No comments:
Post a Comment