Tert.am. 25-10-2011- Իրանի նախագահ Մահմուդ Ահմադինեժադը հայատարարել է, որ աշխարհի բոլոր խնդիրները «մտածողության աշխարհիկ ձևում են» թաքնված, որը հատուկ է «սրբապիղծ և անարդար ղեկավարներին»։Որպես ապացույց՝ Ահմադինեժադն ասել է, ԱՄՆ–ի և Մեծ Բրիտանիայի նման երկրները մշտապես պաշտպանել են այլ պետությունների «խտրականությունը, հետամնացությունը, բռնապետությունը»։
Ահմադինեժադի խոսքով՝ այդ ամենի հակապատկերն է արաբական երկրներում սկսված հեղափոխությունների շարքը, քանի որ այդ երկրներում «մարդիկ արդարություն, արժանապատվություն և ազատություն են փնտրում»։ Նա նաև կարծիք է հայտնել, որ ոտքի ելած մարդիկ ԱՄՆ–ի, սիոնիստների և նրանց միության դեմ են գործում։
Իրանի նախագահը քննադատել է Լիբիայի քաղաքացիական պատերազմին ՆԱՏՕ–ի մասնակցությունը՝ հավելելով, որ ՆԱՏՕ–ն այդ կոնֆլիկտին խառնվել է այդ երկրի բնական հարստությունները կողոպտելու նպատակով։ «Մարդկանց Ձեր հնարքներով չեք խաբի։ Դուք պարզապես ողորմելի սուտասան եք»,–ասել նա ՝ դիմելով ՆԱՏՕ–ի գլխավոր քարտուղար Անդերս Ֆոգ Ռասմուսենին։
Իրանի նախագահը հավելել է, որ Լիբիայի նախկին առաջնորդ Մուամար Կադաֆին սպանվեց, քանի որ չափից շատ բան գիտեր Արևմուտքի առաջնորդների կոռումպացվածության մասին։
Tehran Time
Yerevan Time
No comments:
Post a Comment