PanARMENIAN.Net - 26 նոյեմբերի 2011 - Բրիտանական The Economist պարբերականը հրապարակել է «Թուրքիան և մարդու իրավունքները» ծավալուն վերլուծություն, որտեղ խիստ քննադատության է ենթարկել թուրքական իշխանություններին։ Հղում տալով ընդդիմադիր Հանրապետական ժողովրդական կուսակցության պատգամավոր Հուսեյն Այգունին՝ The Economist-ը գրում է, որ ահաբեկչական կազմակերպության անդամ հանդիսանալու մեղադրանքով ավելի քան 500 ուսանողներ հայտնվել են թուրքական բանտերում։ Այդ ուսանողներից շատերը մասնակցել են իշխող «Արդարություն և զարգացում» կուսակցության դեմ կազմակերպված ցույցերին՝ պահանջելով անվճար կրթություն և առողջապահություն։Սակայն նշվում է, որ Թուրքիայում լրագրողների սարսափելի վիճակը «մթագնում» է ուսանողների զրկանքները։ Թուրքական բանտերում դեռևս գտնվում են 76 լրագրողներ, որոնք նույնպես մեղադրվում են ահաբեկչության հետ կապեր ունենալու մեջ։ Վերջին օրերին ձերբակալվել են 47 փաստաբաններ։
The Economist-ը նշում է, որ մի ժամանակ արմատական բարեփոխումներից խոսող վարչապետ Էրդողանը գնալով ավելի խիստ միջոցների է դիմում։ Նրա օրոք սրվեց պայքարը PKK-ի և զինված ուժերի միջև։
Այս ամենի հետ մեկտեղ, «Արաբական գարուն» վերապրած երկրների համար Թուրքիային որպես մոդել երկիր դիտարկող Արևմուտքը կարծես թե չի էլ նկատում մարդու իրավունքների ոլորտում Թուրքիայում կուտակվող խնդիրները։ «Դա բացատրվում է նրանով, որ Եվրոպան խրված է սեփական խնդիրների մեջ, իսկ Ամերիկան տարածաշրջանային անվտանգության հարցում զգում է Թուրքիայի կարիքը»,- նշել է Անկարայում Եվրոպայի դեսպանը։
Tehran Time
Yerevan Time
No comments:
Post a Comment