«ԱԶԳ», 09-12-2011- Գաբալայի ռադիոլոկացիոն կայանը Ադրբեջան-Ռուսաստան հարաբերություններում շահարկումների յուրօրինակ օղակ է դարձել, հատկապես երբ խոսվում է ոչ միայն այդ կայանի դիմաց ռուսական կողմից զգալի վարձատրություն ստանալու, այլեւ կայանի շահագործման հատուկ պայմանների մասին: Մասնավորապես, խոսքը կայանի տվյալները որեւէ այլ երկրի հաղորդելու հնարավորության ու դրա օգտագործման պայմանների մասին է, քանի որ Ադրբեջանին հաստատապես հուզում է հայկական կողմին ռուսաստանյան կողմից տվյալների հնարավոր փոխանցման հարցը:Ռադիոլոկացիոն կայանի վարձակալության համաձայնագիրն, ըստ Ադրբեջանի փոխարտգործնախարար Խալաֆ Խալաֆովիՙ լրագրողներին արած հայտարարությանՙ նախատեսվում է քննարկել միջկառավարական մակարդակով: Ըստ Ադրբեջանական լրատվամիջոցների, քանի որ հաջորդ տարի ավարտվում է նախորդ համաձայնագրով կայանի շահագործման ժամկետը, ապա, ըստ Խալաֆովի, համաձայնագիրը կարող է կամ երկարացվել, կամ դադարեցվել: Իսկ մինչ այդ դեռ քննարկում են, թե որքան է բարձրացվելու վարձակալության վճարը, ինչպես է արդիականացվելու կայանը եւ այլ հարցեր:
Դրանց թվում Ադրբեջանն այս հարցում էլ ընկել է Հայաստանի հետեւից. փոխարտգործնախարարից հետաքրքրվել են, թե նոր համաձայնագրում արդյոք կլինի՞ արգելք Գաբալայի կայանի տվյալների` Հայաստանին փոխանցելու առնչությամբ: Խալաֆովը պարզաբանել է, որ գործող համաձայնագրով նախատեսված են պայմաններ, ըստ որոնց կայանի տվյալները ռուսաստանյան կողմը չի կարող փոխանցել որեւէ երրորդ կողմի առանց Ադրբեջանի թույլտվության:
Tehran Time
Yerevan Time
No comments:
Post a Comment