Իրանական ռազմանավերը մանևրում են Ադրբեջանի սահմանների մոտ

Mardik.am. 28-5-2015- Թուրքիան Ադրբեջան է ուղարկում իր բոլոր զորատեսակների հրամանատարներին: Ըստ տեղեկությունների` հաջորդ ամսվա սկզբին, միանգամից չորս թուրք հրամանատար կժամանի Բաքու: Նրաց մեջ են լինելու Թուրքիայի ցամաքային զորքերի հրամանատար, բանակի գեներալ Հայրի Քիվրիղլուն, ռազմաօդային ուժերի հրամանատար Մեհմեթ Էրթենը, ռազածովային ուժերի հրամանատար Մուրադ Բիլգելը և ժանդարմերիայի հրամանատար Բեքիր Քալյոնչուն: Ըստ երևույթին, դա յուրօրինակ աջակցություն է լինելու Բաքվին` Թերհանի հետ դիմակայման հարցում: «Թուրքիան իր այդ քայլով ցանկանում է հասկացնել Իրանին, որ նա Ադրբեջանին մենակ չի թողնի»,- հայտարարել է թուրքական բանակին մոտ կանգնած աղբյուրը: Ի դեպ, ադրբեջանական «Ենի Մուսավաթ» թերթը, հղում անելով Իրանի հետ սահմանամերձ շրջանների բնակիչներին, նշում է, որ արդեն երկու օր է, ինչ Իրանի ռազմածովային ուժերին պատկանող վեց նավ ռազմական մանևրներ են կատարում ադրբեջանական սահմանների մոտակայքում` ցուցադրելով ակնհայտ սպառնալիքներ: Նշենք, որ երկու երկրների հարաբերությունները խիստ լարված են: Երկու մայրաքաղաքներում էլ բողոքի ակցիաներ են անցում: Բացի այդ, Իրանը Բաքվից ետ է կանչել իր դեսպանին: