Հայաստանն ու Քուվեյթը միջխորհրդարանական կապերի ոլորտում նոր էջ են բացում

News.am. 28-5-2012- Քուվեյթի Ազգային ժողովում, այսօր` մայիսի 28-ին, կայացել է դեսպան Ֆադեյ Չարչօղլյանի հանդիպումը Քուվեյթ-Հայաստան միջխորհրդարանական բարեկամության խմբի նախագահ Ալի Ֆահդ ալ-Ռաշեդի հետ: Հանդիպման ընթացքում արծարծվել են երկու երկրների միջեւ միջխորհրդարանական համագործակցության հետագա ընդլայնմանը վերաբերող հարցեր: Դեսպան Չարչօղլյանը ողջունել է Քուվեյթի Ազգային Ժողովում միջխորհրդարանական բարեկամության խմբի շուտափույթ ձեւավորումը` նշելով, որ այն զգալի ներդրում կունենա միջխորհրդարանական կապերի զարգացման եւ խորացման գործում: Իր հերթին պարոն ալ-Ռաշեդն ընդգծել է այս բնագավառում նոր էջ բացելու քուվեյթյան կողմի պատրաստակամությունը եւ ցանկություն հայտնել այցելել Հայաստան` համագործակցության հնարավորություններն ու հեռանկարները տեղում քննարկելու համար: