«Վեցնյակը» նոր առաջարկներ է բերել Բաղդադ իրանական ատոմային խնդիրների շուրջ

News.am. 23-5-2012- Միջազգային միջնորդների վեցնյակը իրանական ատոմային խնդրի կարգավորման նոր առաջարկներ ունի, որոնք ներկայացվելու են Բաղդադում մեկնարկած բանակցությունների ժամանակ: Այդ մասին հայտարարել է ԵՄ արտաքին քաղաքականության հարցերով գերագույն հանձնակատար Քեթրին Էշթոնը: «Մենք նոր առաջարկություն ենք պատրաստել, որ վերաբերում է մեր գլխավոր մտահոգություններին: Խոսքը ուրանը մինչեւ 20 տոկոս հարստացնելուն է վերաբերում»,- ասել է Էշթոնի ներկայացուցիչ Մայքլ Մաննը: Մայիսի 20-ին Ռուսաստանի արտգործնախարար Սերգեյ Լավրովը հայտարարել էր, թե Բաղդադում կայանալիք հանդիպմանը ռուսաստանը Իրանին կառաջարկի դադարեցնել հարստացումը մինչեւ 20 տոկոս: