Հայաստանն Ադրբեջանից գորգեր է ներմուծել

News.am. 23-5-2012- 2011 թ. Ադրբեջանից Հայաստան է ներմուծվել 29.9 քառ. մետր գորգ` 8.5 հազ. դոլար մաքսային արժեքով: Այս տեղեկատվությունը զետեղված է ՀՀ կառավարությանն առընթեր պետեկամուտների կոմիտեի պաշտոնական կայքէջում: Հայաստանը գորգեր ներմուծել է նաեւ Աֆղանստանից, Լեհաստանից, Բելգիայից եւ այլ երկրներից: Թեեւ Հայաստանը համարվում է գորգագործության հին ավանդույթներ ունեցող երկիր` վերջին տարիներին գորգերի ներմուծումը զգալի ծավալ է կազմում: 2010 թ. ներմուծվել է 72.4 հազ. քառ. մետր, 2011 թ.` 69.5 հազ. քառ. մետր, այնինչ արտահանումը կազմել է համապատասխանաբար եւ 1.4 հազ. խոր. մետր: Սակայն Հայաստանը մասնագիտանում է թանկ գորգերի արտահանման շուկայում, եւ ներմուծում է էժան գորգեր: Ներմուծված գորգերի միջին մաքսային արժեքը 2011 թ. 1 քառ. մետրի հաշվով կազմում է 12 դոլար, իսկ արտահանվածներինը` 55 դոլար: Հայկական գորգերը հիմնականում արտահանվում են ԱՄՆ: