Monday, November 12, 2012

Հայաստանի ծանրորդները 6 մեդալ նվաճեցին համաշխարհային ուսանողական առաջնությունում

Panorama.am. 12-11-2012- Իսրայելի Էյլաթ քաղաքում ավարտվեց ծանրամարտի համաշխարհային ուսանողական երրորդ առաջնությունը: 94 կգ քաշայինների պայքարում արծաթե պարգևի արժանացավ Վարդան Դավթյանը: Նա միայն անձնական ծանր քաշի պատճառով զիջեց մրցակցին ` ռուս Եգոր Կլիմանովին: Երկու ծանրորդներն էլ երկամարտում ցույց տվեցին միևնույն` 377 կգ արդյունքը, սակայն հաղթողի կոչմանն արժանացավ Կլիմանովը: Վերջին օրը պայքարի մեջ մտած գերծանրքաշայինների մրցավեճին մասնակցում էին նաև մեր երկրի երկու պատվիրակներ: Այստեղ էլ կրկնվեց նախորդ քաշային կարգի սցենարը: Հայկ Հակոբյանը և ռուսաստանցի Էդուարդ Մեժգիկովը երկամարտում արձանագրեցին 402 կգ: Մեր մարզիկը բավարարվեց «արծաթով», քանզի կրկին դեր խաղաց անձնական քաշի գործոնը: Այս մասին հայտնում է ՀԱՕԿ-ի լրատվության բաժինը: Անդրանիկ Հովհաննիսյանը բավարարվեց չորրորդ տեղով (355 կգ): Այսպիսով` ՀՀ վաստակավոր մարզիչ Պողոս Պողոսյանի գլխավորած հավաքականի ութ ծանրորդներից վեցը համաշխարհային ուսանողական առաջնությունում արժանացան մեդալների (4 արծաթե, 2 բրոնզե):

No comments: