Չափավոր լացն օգտակար է

News.am. 12-11-2012- Լացը մարդու օրգանիզմի վրա նույնքան դրական է ազդում, որքան եւ ծիծաղը,

պնդում են ԱՄՆ-ի եւ Մեծ Բրիտանիայի գիտնականները, ովքեր հետազոտել են լացի եւ արցունքների՝ մարդու առողջության վրա ունեցած ազդեցությունը։ Ապացուցվել է, որ լացելը նույնքան օգտակար է, որքան եւ ծիծաղելը, թեեւ, այնուամենայնիվ, լացել խորհուրդ չի տրվում։ Ինչպես հաղորդում է Аргументы.ру - ը, բրիտանացի գիտնականներն ուշադրություն են դարձրել լացի հոգեբանական կողմի վրա. նրանց կարծիքով, խորը շնչելը թույլ կտա հասկանալ՝ ի՞նչ անել հետո։ Իսկ Մինեսոթայի համալսարանի գիտնականները պարզել են, որ արցունքների հետ մարդու միջից բառացիորեն դուրս է գալիս սթրեսը, եւ դրանից բացի, լացելիս խորը շունչ քաշելը նպաստում է սթրեսի հորմոնի՝ կորտիզոլի մակարդակի նվազմանը։