Շատերի համար երազանքն իրականություն Է դարձել ԱՄՆ-ի Ինդիանայի նահանգի Սելմա քաղաքի բնակիչ Գրեգ Լոշի համար. նա նավթ Է հայտնաբերել իր տան բակում, հաղորդել են տեղական զանգվածային լրատվամիջոցները:
«Ես ոչինչ չգիտեի նավթի մասին, մինչեւ չսկսեցի զբաղվել դրանով: Այժմ ինձ մոտ նավթի տենդ Է սկսվել»,- ասում Է Լոշը:
Նավթը նրա հողամասում Է գտնվում մոտավորապես քառասուն մետր խորության վրա: Նավթի արդյունահանման ոչ մեծ կայանքը շրջապատված Է մետաղե կանաչ ցանկապատով. ամբողջ կառուցվածքը, Լոշի խոսքով, նստել Է մոտավորապես 100 հազար դոլար:
«Ես կարծում եմ, որ դա լավ ներդրում Է, մենք ներդրված փողը կվերադարձնենք մեկ կամ երկու տարի հետո»,- նշում Է Լոշը, ում տունը գտնվում Է տասն ակր տարածությամբ հողամասում:
Նրա կոմպակտ կայանքն օրական արդյունահանում Է շուրջ երեք բարել նավթ, ինչն, անշուշտ, հեռու Է արդյունաբերական մասշտաբներից:
Սակայն Լոշը կանգնած Է ճանապարհի սկզբին եւ պլանավորում Է չորս նոր հորատանցքերի հորատում. բակում արդեն կանգնած Է համապատասխան տեխնիկան:
Նոր հորատանցքերը, ինչպես եւ առաջինը, շուրջօրա նավթ կտան ամբողջ տարվա ընթացքում: «Դա փող տպելու հաստոց Է»,- ասում Է Լոշը:
Նա արդեն հատուկ անոթ Է տեղադրել «սեւ ոսկին» պահելու համար եւ սպասում Է իր գործի ընդլայնմանը:
Thursday, June 5, 2008
Subscribe to:
Post Comments (Atom)
Tehran Time
Yerevan Time
No comments:
Post a Comment