ՀՀ նախագահ Ս.Սարգսյանն ու Թուրքիայի վարչապետ Թ. Էրդողանն իրենց առաջին հանդիպմանը դրական են գնահատել երկկողմ հարաբերությունների կարգավորման ընդհանուր գործընթացը
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ:ՀՀ նախագահ Սերժ Սարգսյանն ու Թուրքիայի վարչապետ Ռեջեփ Թայիփ Էրդողանը Դավոսում հունվարի 29-ին կայացած իրենց առաջին հանդիպմանը դրական են գնահատել երկու երկրների հարաբերությունների կարգավորման ընդհանուր գործընթացը: «Սա մեր առաջին հանդիպումն էր, համարում եմ, որ օգտակար հանդիպում էր: Ես նաեւ վարչապետի մոտ տեսա ցանկություն մեր հարաբերությունները կարգավորելու, եւ սա լավ հանգամանք է»,-հանդիպմանը հաջորդած ճեպազրույցում ասել է ՀՀ նախագահ Ս.Սարգսյանը:
ՀՀ արտաքին գործերի նախարար Էդվարդ Նալբանդյանը նշել է, որ հանդիպումն անցել է բավական կառուցողական մոնթլորտում, գործնական քննարկում է ծավալվել երկկողմ հարաբերությունների կարգավորման գործընթացի վերաբերյալ: Կարեւորվել է Երեւանում սեպտեմբերի 6-ին կայացած Հայաստանի եւ Թուրքիայի նախագահների հանդիպումը, որը, ըստ Է.Նալբանդյանի, բեկումնային էր հարաբերությունների կարգավորման գործընթացի ուղղությամբ, որին հետեւել են Հայաստանի եւ Թուրքիայի արտգործնախաարարների հանդիպումները:
«Կարգավորման ուղղությամբ ընդհանուր գործընթացը Հայաստանի նախագահ Սերժ Սարգսյանն ու Թուրքիայի վարչապետ Թայիփ Էրդողանը դրական են գնահատել եւ հանձնարարել են արտգործնախարարներին լրացուցիչ ջանքեր գործադրել կարգավորման համար»,-ասել է Է.Նալբանդյանը:
Tehran Time
Yerevan Time
No comments:
Post a Comment