Ֆոտոմոդելն ինքնասպան է եղել դժբախտ սիրո պատճառով

Ծագումով Իրանից բրիտանացի ֆոտոմոդել Սահար Դաֆթարին մահացել է` դուրս նետվելով Մանչեստերի բնակելի համալիրի 12-րդ հարկից: Այդ մասին հաղորդում է BBC News-ը: Ոստիկանության վարկածներից մեկի համաձայն` ինքնասպանության պատճառներից մեկն է դժբախտ սիրո պատմությունը, քանի որ պատահարից առաջ մոդելը բաժանվել էր իր ընկերոջից: Միջադեպը տեղի է ունեցել շաբաթ ժամը 22-ի սահմաններում, երբ 23-ամյա մոդելը այցելել էր արդեն նախկին ընկերոջը`հավանաբար, իրերը վերցնելու համար: Մոդելի ընկերը նախ ձերբակալվել է, այնուհետեւ ազատ արձակել գրավի դիմաց: Ոստիկանական աղբյուրներից մեկի համաձայն` ականատեսները բնակարանից բարձր գոռոցներ կամ փոխադարձ վիրավորանքներ չեն լսել: «Այս ամենը ավելի շատ նման է ինքնասպանության կամ էլ դժբախտ պատահարի»,- նշել է ոստիկանը: