2009 թվականի ապրիլի 30-ի լուսաբացին դաժան ծեծի է ենթարկվել ARMENIA Today լրատվական գործակալության համակարգող, փաստաբան Արգիշտի Կիվիրյանը: Վերջինս ծանր մարմնական վնասվածքներով տեղափոխվել է հիվանդանոց: Ըստ Արգիշտի Կիվիրյանի հարազատների, այս հարձակումն անմիջական կապ ունի նրա լրագրողական գործունեության հետ:
Մենք` հասարակական կազմակերպությունների ներկայացուցիչներս, վրդովմունքով հայտարարում ենք, որ հարցերը ծեծի ու բռնության միջոցով լուծելն արդեն հասարակական լուրջ սպառնալիքի է վերածվում, իսկ պետական մարմիններն էլ արդյունավետ քայլեր չեն ձեռնարկում դիմակայելու դրան: Այն, որ լրագրողների դեմ հարձակումների կատարողներն առայսօր դատարանի առջեւ չեն կանգնել, դրա խոսուն վկայությունն է:
Մենք դատապարտում ենք այս հերթական բռնությունը եւ իրավապահ մարմիններից պահանջում ենք հնարավորինս արագ բացահայտել հանցագործությունն ու պատասխանատվության ենթարկել մեղավորներին:
Խոսքի ազատության պաշտպանության կոմիտե
Երեւանի մամուլի ակումբ
ԶԼՄ-ների աջակցության «Ինտերնյուս» ՀԿ
Բազմակողմանի տեղեկատվության ինստիտուտ-Հայաստան
«Ֆեմիդա» ՀԿ
Ժուռնալիստների «Ասպարեզ» ակումբ
Վանաձորի մամուլի ակումբ
Թրանսփարենսի ինթերնեշնլ հակակոռուպցիոն կենտրոն
Հայաստանի հելսինկյան կոմիտե
Քաղաքացիական հասարակության ինստիտուտ
Հելսինկյան քաղաքացիական ասամբլեայի Վանաձորի գրասենյակ
Friday, May 1, 2009
Subscribe to:
Post Comments (Atom)
Tehran Time
Yerevan Time
No comments:
Post a Comment