Օբամային անհանգստացնում է Խամենեի ելույթի «իմաստն ու բնույթը»

Tert.am.20-6-2009- Միացյալ Նահանգների նախագահ Բարաք Օբաման մտահոգված է Իրանի հոգևոր առաջնորդ այաթոլլահ Ալի Խամենեի ելույթի «իմաստով և բնույթով», ով նախազգուշացրել է կոշտ ուժային միջոցների կիրառման մասին ցուցարարների դեմ, հաղորդում է AP գործակալությունը։ Օբաման նշել է, որ պաշտոնական Թեհրանը պետք է հասկանա, որ «աշխարհը հետևում է երկրում կատարվող իրավիճակին»։ Ըստ Սպիտակ տան ղեկավարի՝ «ելնելով նրանից, թե ինչպես են վարվում այն մարդկանց հետ, ովքեր ցանկանում են, որ իրենց լսեն, կարելի է դատել, թե ինչ է իրենից ներկայացնում Իրանը կամ ինչ չէ»։Հիշեցնենք, որ նախօրեին Իրանի գլխավոր հոգևոր առաջնորդ այաթոլլահ Ալի Խամենեին երկրի ազգին ուղղված իր ելույթում նշել էր, որ Ահմադինեժադը «անտարակույս հաղթանակ է» տարել, և ընտրությունների արդյունքները չեն կեղծվել։