Թեհրան-Երևան չվերթն իրականացնող ինքնաթիռի ուղևորներից ավելի քան 40-ը հայեր էին

Թեհրանից հյուսիս գտնվող Ղազվին քաղաքի մոտակայքում ուղևորատար ինքնաթիռի վթարի վայրում աշխատում են փրկարարները և հրշեջ ծառայության աշխատակիցները: Նշենք, որ ինքնաթիռում եղել են Իրանի, Հայաստանի և Վրաստանի քաղաքացիներ։ Ուղևորների մի մասը Հայաստանի քաղաքացիներ էին, հայտնում է Tert.am-ի լրագրողը։ ՀՀ ԱԳՆ-ից հաջողվել է ճշտել, որ անձնակազմի առնվազն մեկ ներկայացուցիչ նույնպես եղել է ՀՀ քաղաքացի։ Նշենք, որ բոլոր ուղևորները զոհվել են, հաղորդում են իրանական լրատվամիջոցները: Ըստ IRNA գործակալության՝ ինքնաթիռը, որը պատկանում էր իրանական Caspian Airlines ավիաընկերությանը, իրականացնում էր Թեհրան-Երևան չվերթը: Այն վթարի է ենթարկվել 12։00-ի սահմաններում, թռիչքից 16 րոպե անց։ Ղազվինի արտակարգ իրավիճակների ծառայության պետ Հոսեյն Բոհազադփուրը տեղեկացրել է, որ ինքնաթիռն ամբողջովին կործանվել է, իսկ դրա մասերը` այրվել: Նրա խոսքերով նույնպես ինքնաթիռում եղած բոլոր մարդիկ զոհվել են: Իրանի Քաղավիացիայի մամուլի խոսնակը հայտարարել է, որ ռուսական ՏՈՒ-154 ինքնաթիռն իրականացնում էր 7908 չվերթը դեպի Երևան։ Համաձայն տվյալների ինքնաթիռում եղել է 153 ուղևոր, անձնակազմի 16 անդամ։ Ավիավթարի հետեւանքով զոհված հայերի նախնական անվանացանկը 1- Անետ Աժանգ 2- Նանա Անտաշյան 3- Էդվին Ասատրյան 4- Արշավիր Ավագյան 5- Ազատ Հովհաննիսյան 6- Անուշ Բաբումյան 7- Աննա Պողոսյան 8- Լևոն Դավթյան 9- Մարտիկ Տեր-Ավանեսյան 10- Նաիրի Ստեփանյան 11- Շողեր Ստեփանյան 12- Մելինե Գարանյան 13- Հասմիկ Գոլոյան Հաֆթվանի 14- Կարապետ Ղուկասյան 15- Արմեն Սարգսյան 16- Վահե Սարգսյան 17- Արմեն Սարգիսյան 18- Ժորժիկ Շահբազյան 19- Լ. Շահմուրադյան 20- Խաչխաթուն Սիմոնյան 21- պրն. Խաչիկյան 22- Արա Սուրենյան 23- Զարմինե Սուքիասյան 24- Վարդանուշ Թահմասյան 25- Լուսիկ Դարբինյան 26- Ռամոն Թարոյան 27- Թադե Թիմաշ 28- Արթուր Գրիգորյան 29- Թալին Կարապետյան 30- Էդվարդ Խաչիկյան 31- Նաիրի Մայիլյան 32- Արշավիր Մանասերյան 33- Կարինե Մարգարյան 34- Մասիս Մաթյան 35- Անի Մելքոմ Աբգար 36- Արին Մելքոմ Աբգար 37- Ալվարդ Նավասարդյան 38- Աշոտ Ներսիսյան 39- Քրիստինե Տեր-Հովհաննիսյան 40- Անահիտ Տեր-Հովհաննիսյան 41- Ռայթ Հակոբյան 42- Էդվին Հակոբյան 43- Համասփյուռ Փուլադյան 44- Լիլիթ Մուրադյան 45- Թաթուլ Մուրադյան 46- Ֆլորիկ Հայրապետյան 47- Լուսիկ Վարդանյան 48- Գրիգոր Բարսեղյան

Արաքս շաբաթաթերթի խմբագրությունը եւ աշխատակազմը համայնքային, հայկական եւ իրանական այս սուգի առիթով ի խորոց սրտե ցավակցում է բոլոր զոհվածների հարազատներին ու բարեկամներին, նրնաց մաղթելով համբերություն եւ մխիթարություն: