Շինարարության ծավալը Հայաստանում կրճատվել է 55,5 տոկոսով

News.am- 2009թ. առաջին յոթ ամիսների ընթացքում շինարարության ընդհանուր ծավալը Հայաստանում կազմել է 177 միլիարդ 856 մլն դրամ: ՀՀ Ազգային վիճակագրական ծառայության տվյալներով՝ այս ցուցանիշը 2008թ. նույն ժամանակահատվածի համեմատությամբ կրճատվել է 55,5 տոկոսով: 2009թ. հունվար-հուլիս ամիսների ընթացքում իրականացված շինարարության ընդհանուր ծավալի 10,3 տոկոսը՝ 18 միլիարդ 246 մլն դրամ, իրականացվել է պետական բյուջեի միջոցների հաշվին, 39,3 տոկոսը՝ 69 միլիարդ 93 մլն դրամ, կազմակերպությունների միջոցների հաշվին, իսկ 4 տոկոսը՝ 7 միլիարդ 81 մլն դրամ` միջազգային վարկերի հաշվին: Ըստ ԱՎԾ-ի տվյալների՝ շինարարության ընդհանուր ծավալի 2,5 տոկոսն իրականացվել է Համաշխարհային բանկի տրամադրած վարկի հաշվին, 0,8 տոկոսը՝ Զարգացման եւ վերակառուցման եվրոպական բանկի վարկի հաշվին: