Վրացի զինվորների մարմիններն Ադրբեջանը ներկայացնում է որպես հայ զինծառայողների դիակներ

/PanARMENIAN.Net/ 11.09.2009 - Սեպտեմբերի 10-ին ադրբեջանական ԶԼՄ-ները տարածել են հաղորդագրություն, որ իբր թե հայկական ԶՈՒ ստորաբաժանումները անհաջող գրոհ են ձեռնարկել Աղդամի ուղղությամբ, որի հետեւանքով 5 հայ զինծառայող զոհվել է, եւս 3-ը? վիրավորվել, որը չի համապատասխանում իրականությանը: Ինչպես PanARMENIAN.Net-ին է հաղորդել Հայաստանի պաշտպանության նախարարի մամլո քարտուղար, գնդապետ Սեյրան Շահսուվարյանը, նույն օրը երեկոյան ադրբեջանական vesti.az կայքը հարցազրույց է տպագրել ադրբեջանցի ռազմական փորձագետ Ուզեիր Ջաֆարովի հետ, ով, չկարողանալով պատասխանել հարցին, թե դիակների բացակայության պայմաններում ինչպե?ս կարելի է խոսել զոհերի կոնկրետ թվի մասին, ասել է, թե »ցանկացած հարձակում ուղեկցվում է անձնակազմի կորուստներով? անկախ նրանից? հայկական կողմը կհրապարակի կորուստների թիվը, թե? ոչ»: «Ռազմական փորձագետե Ջաֆարովի եւ ադրբեջանական լրատվամիջոցների տեղեկատվական այս էժանագին խաղը ցույց է տալիս, որ ադրբեջանական կողմը փորձում է հերթական անգամ բարձրացնել իր բանակի եւ հասարակության «մարտական ոգին»? միաժամանակ ապակայունացնելով իրավիճակը: Ասվածի ապացույցը նաեւ vesti.az կայքում տեղադրված սպանված մեկ զինվորի լուսանկարն է? մակագրված որպես «զոհված հայ զինվորներ»: Սակայն զավեշտալին այն է, որ լուսանկարում պատկերված է 2008թ. օգոստոսի ռուս-վրացական պատերազմի ժամանակ սպանված վրացի զինվորի դիակ, որն արդեն տեղադրված է եղել www.kprf.ru ՌԴ կոմունիստական կուսակցության կայքում (http://kprf.ru/international/59203.html):