Էրդողան. Թուրքիայի մուտքը Եվրամիություն կնշանակի ապահովել 1.5 միլիարդանոց իսլամական աշխարհի աջակցությունը Եվրոպային

News.am. 24-10-2009- Թուրքիայի վարչապետ Էրդողանը բացման խոսքով հանդես է եկել Միջերկրծովյան երկրների խորհրդարանական վեհաժողովի չորորդ նիստում։ Այս մասին տեղեկացնում է թուրքական Iha կայքէջը։ «Եթե Թուրքիան մտնի Եվրամիություն, դրանից Եվրամիությունը կշահի։ Մտնել Եվրամիություն, նշանակում է ապահովել 1.5 միլիարդանոց իսլամական աշխարհի աջակցությունը։ Թուրքիան 2008 թվականի տվյալներով՝ 17-րդ տեղն է գրավում աշխարհի ամենամեծ տնտեսություն ունեցող երկրների մեջ։ Այս տարի կբարձրանանք 16-րդ տեղը։ Թուրք շինարար-կապալառուները աշխարհում 225 երկրների շարքում բարձրացել են երկրորդ հորիզոնականը՝ Չինաստանից հետո։ Միջերկրական ծովը բոլորիս ծովն է։ Այս մեծ ավազանին հետաքրքրող հարցերը մեզ են պատկանում։ Այն կարծիքին եմ, որ Միջերկրական ծովը իր իմաստով կդառնա խաղաղության եւ կայունության ծով։ Ես մեկ անգամ եւս ձեզ մեր գեղեցիկ Ստամբուլ բարի գալուստ եմ ասում եւ ձեր աշխատանքներին հաջողություններ մաղթում»,-ասել է Թուրքիայի վարչապետ Ռեջեփ Թայիփ Էրդողանը։