Սամվել Կարապետյան. Հայերը գերեզմաններ չեն պղծում

/PanARMENIAN.Net/20.11.2009 - Պաշտոնական Բաքվի հայտարարությունները Լեռնային Ղարաբաղում ադրբեջանական գերեզմանների ոչնչացման մասին, սուտ է եւ կեղծիք: Այդ մասին Երեւանում կայացած մամլո ասուլիսում հայտարարել է ճարտարապետության պատմաբան Սամվել Կարապետյանը: Նրա խոսքերով, գուցե Աղդամի մահմեդական գերզմանոցում որոշ գերեզմանաքարեր ուղղակի ընկել են: ՙՍակայն ոչ մի գերեզման չի պղծվել, ինչը չի կարելի ասել ադրբեջանական կողմի գործողությունների մասին: Այդպես, Եվրոպայից մենք ստացել ենք Գետաշենի շրջանի Ոսկանապատ հայկական գյուղի լուսանկարները, որտեղ ոչնչացվել է հայկական գերեզմանոցն ու եկեղեցին: Իսկ գյուղը այդ հեռու է մարտական գործողությունների գոտուց՚,-ասել է Կարապետյանը: Նա նաեւ հիշեցրել է, որ ներկայումս Հին Ջուղայում չկա ոչ մի հայկական հուշարձան: ՙՆախիջեւանում եղել է 218 եկեղեցի եւ մեծաթիվ խաչքարեր: Այդ ամենը բարբարոսաբար ոչնչացվել է, այնպես, որ նույնիսկ նրանց գտնվելու վայրը հնարավոր չէ գտնել՚,-ասել է Կարապետյանը: Ադրբեջանական ԶԼՄ-ները հաղորդել էին, թե իբր Լեռնային Ղարաբաղում ադրբեջանական գերեզմաններ եւ հուշարձաններ են ոչնչացվում: