Իրանը մեղադրում է Օբամային «երկակի չափանիշներ» կիրառելու մեջ

Tert.am.14-12-2009- Իրանի արտգործնախարար Մանուչեր Մոտակին արձագանքել է Միացյալ Նահանգների նախագահ Բարաք Օբամայի «երկակի չափանիշների» քաղաքականությանը, որը վերաբերում է Իրանի միջուկային ծրագրին և երկրի ներքին անցուդարձին, հաղորդում է Press TV-ին։ «Աշխարհը կուշտ է ԱՄՆ-ի կողմից կատարվող մարդու իրավունքների խախտումներից՝ իր բոլոր տարատեսակներով և ձևերով։ Դա է անմեղ քաղաքացիների սպանությունը Աֆղանստանում և Իրաքում, Կուբայում տխրահռչակ Գուանտանամո կալանավայրի գործունեությունը, ինչպես նաև սարսափեցող աչքաթողությունը իսրայելական ռեժիմի կողմից իրագործվող՝ պաղեստինցիների ցեղասպանության նկատմամբ»,- հայտարարել է Մոտակին։ Ինչպես ընդգծել է Իրանի արտգործնախարարը, հաշվի առնելով պաշտոնական Վաշինգթոնի կողմից մարդու իրավունքների խախտումների սեփական սև ցուցակը, Օբամայի վարչակազմի կողմից շատ հանդուգն է քննադատել Իրանին։ Բացի այդ, նա ընդգծել է, որ Իրանի ժողովուրդը երբեք թույլ չի տա օտար միջամտություն իր ներքաղաքական կյանքին, քանի որ քաջ գիտակցում է, որ այդ ամենը հետապնդում է թշնամանք սերմանելու նպատակ։