Թուրքիայի եւ Հայաստանի ԱԳ նախարարները քննարկել են ստորագրված արձանագրությունների վավերացման ժամկետները

News.am. 1-12-2009- Աթենքում Թուրքիայի արտգործնախարար Ահմեդ Դավութօղլուն հանդիպել է Հայաստանի արտգործնախարար Էդվարդ Նալբանդյանի հետ։ Թուրքական CNNturk-ի փոխանցմամբ՝ Թուրքիայի եւ Հայաստանի արտգործնախարարների հանդիպումը տեւել է մոտ կես ժամ։ Հանդիպման ընթացքում քննարկվել են Թուրքիայի եւ Հայաստանի միջեւ ստորագրված արձանագրությունների վավերացման ժամկետների եւ Մինսկի խմբի համաժողովում քննարկվելիք Լեռնային Ղարաբաղի խնդրի կարգավորման հեռանկարները։ Այս համատեքստում քննարկվել է Ադրբեջանի եւ Հայաստանի ղեկավարների մյունխենյան հանդիպման արդյունքները։ Դավութօղլուն Հայաստանի արտգործնախարարի հետ հանդիպումից հետո հանդիպել է Ադրբեջանի արտգործնախարար Էլմար Մամեդյարովի հետ։ Այս հանդիպմանը եւս քննարկվել է ղարաբաղյան խնդիրը, ինչպես նաեւ Թուրքիա-Ադրբեջան հարաբերությունները։ Նախատեսվում է, որ Դավութօղլուն հանդիպելու է ԱՄՆ պետքարտուղարի տեղակալ Ջեյմս Սթայնբերգի հետ։