Ադրբեջանական ԱՊԱ գործակալությունն այսօր տեղեկություն է տարածել, թե իբր փետրվարի 26-ին Խոջալու ու չեխական Լիդիցա քաղաքների ղեկավարներն արձանագրություն են ստորագրելու, որի արդյունքում Խոջալուն և Լիդիցան դառնալու են քույր քաղաքներ:
Panorama.am-ի հետ զրույցում մեկնաբանելով այս տեղեկատվությունը` ԼՂՀ նախագահի աշխատակազմի հասարակայնության հետ կապերի վարչության պետ Դավիթ Բաբայանը խորհուրդ տվեց մի փոքր սպասել` նշելով, որ ադրբեջանական լրատվամիջոցներն այս օրերին նման բովանդակությամբ ապատեղեկություններ են տարածում: Նա չբացառեց, որ սա հերթական այդպիսի դրսևորում է: «Դժվար թե այնպիսի եվրոպական երկիր, ինչպիսին Չեխիան է, նման քայլի գնա»,- նկատեց նա:
Դավիթ Բաբայանից հետաքրքրվեցինք, որ եթե նշված տեղեկատվությունը համապատասխանի իրականությանը, կարելի՞ է եզրակացնել, որ պաշտոնական Պրահան այդկերպ փորձում է միջամտել Լեռնային Ղարաբաղի հակամարտության կարգավորման գործընթացին, ըստ որում` տեղի տալով հակամարտության կողմերից մեկի քարոզչական պայմաններին:
Ի պատասխան` Դավիթ Բաբայանն ասաց. «Խոջալու քաղաք, որպես այդպիսին գոյություն չունի: Եթե Ադրբեջանում ստեղծել է մի նոր բնակավայր, որի անունը դրել են Խոջալու, ես այդտեղ մեզ համար որևէ խնդիր չեմ տեսնում»:
Նրա խոսքերով, այդուհանդերձ, փաստը լուրջ մտահոգությունների տեղիք կարող է տալ այն դեպքում, եթե փորձ կատարվի այն կապել արցախյան հիմնախնդրի հետ:
«Եթե դրանում որևէ քաղաքական ենթատեքստ գոյություն չունի, ԼՂՀ իշխանություններն այդ հարցին հանգիստ կվերաբերեն»,- եզրափակեց նա:
Նշենք, որ նախկին Խոջալու գյուղը գտնվում է Լեռնային Ղարաբաղի Հանրապետության Ասկերանի շրջանում: Արցախի անկախացումից հետո այն վերանվանվել է և կրում է Երկրորդ աշխարհամարտի և Արցախյան գոյամարտի մասնակից, գեներալ-լեյտենանտ Քրիստափոր Իվանյանի անունը:Tuesday, February 23, 2010
Դավիթ Բաբայան. Ադրբեջանցիները հնարավոր է ապատեղեկատվություն են տարածում
Ադրբեջանական ԱՊԱ գործակալությունն այսօր տեղեկություն է տարածել, թե իբր փետրվարի 26-ին Խոջալու ու չեխական Լիդիցա քաղաքների ղեկավարներն արձանագրություն են ստորագրելու, որի արդյունքում Խոջալուն և Լիդիցան դառնալու են քույր քաղաքներ:
Panorama.am-ի հետ զրույցում մեկնաբանելով այս տեղեկատվությունը` ԼՂՀ նախագահի աշխատակազմի հասարակայնության հետ կապերի վարչության պետ Դավիթ Բաբայանը խորհուրդ տվեց մի փոքր սպասել` նշելով, որ ադրբեջանական լրատվամիջոցներն այս օրերին նման բովանդակությամբ ապատեղեկություններ են տարածում: Նա չբացառեց, որ սա հերթական այդպիսի դրսևորում է: «Դժվար թե այնպիսի եվրոպական երկիր, ինչպիսին Չեխիան է, նման քայլի գնա»,- նկատեց նա:
Դավիթ Բաբայանից հետաքրքրվեցինք, որ եթե նշված տեղեկատվությունը համապատասխանի իրականությանը, կարելի՞ է եզրակացնել, որ պաշտոնական Պրահան այդկերպ փորձում է միջամտել Լեռնային Ղարաբաղի հակամարտության կարգավորման գործընթացին, ըստ որում` տեղի տալով հակամարտության կողմերից մեկի քարոզչական պայմաններին:
Ի պատասխան` Դավիթ Բաբայանն ասաց. «Խոջալու քաղաք, որպես այդպիսին գոյություն չունի: Եթե Ադրբեջանում ստեղծել է մի նոր բնակավայր, որի անունը դրել են Խոջալու, ես այդտեղ մեզ համար որևէ խնդիր չեմ տեսնում»:
Նրա խոսքերով, այդուհանդերձ, փաստը լուրջ մտահոգությունների տեղիք կարող է տալ այն դեպքում, եթե փորձ կատարվի այն կապել արցախյան հիմնախնդրի հետ:
«Եթե դրանում որևէ քաղաքական ենթատեքստ գոյություն չունի, ԼՂՀ իշխանություններն այդ հարցին հանգիստ կվերաբերեն»,- եզրափակեց նա:
Նշենք, որ նախկին Խոջալու գյուղը գտնվում է Լեռնային Ղարաբաղի Հանրապետության Ասկերանի շրջանում: Արցախի անկախացումից հետո այն վերանվանվել է և կրում է Երկրորդ աշխարհամարտի և Արցախյան գոյամարտի մասնակից, գեներալ-լեյտենանտ Քրիստափոր Իվանյանի անունը:
Subscribe to:
Post Comments (Atom)
Tehran Time
Yerevan Time
No comments:
Post a Comment