ԿԸՀ-ն հրապարակել է ԼՂՀ ԱԺ ընտրությունների նախնական տվյալները

7or.am. 24-5-2010- Ժամը 24:00-ին Լեռնային Ղարաբաղի Հանրապետության Կենտրոնական ընտրական հանձնաժողովը հրապարակել է 5-րդ գումարման Ազգային ժողովի ընտրությունների նախնական տվյալները: ԼՂՀ ԿԸՀ նախագահ Սերգեյ Նասիբյանն ասել է, ժամը 23:00-ի դրությամբ քվեարկածների թիվը կազմել է 62 310, կողմ ձայների թիվը կազմել է 38293: Այսպիսով, նախնական տվյալներով Ազատ հայրենիք կուսակցության օգտին քվերակել է 17537 (45,8%) ընտրող, Արցախի ժողովրդական կուսակցության օգտին' 11744 (30,75%), ԼՂ Կոմունիստական կուսակցությունը ստացել է 2046 (5,34%) քվե, ՀՅ Դաշնակցությունը' 6966 (18,2%): Անվավեր է ճանաչվել 165 քվեաթերթիկ: