Այսօր «ՄԻԺԻ» գրասենյակում տեղի ունեցավ «Սարդարապատ» շարժման նախաձեռնող խմբի կողմից ստեղծվելիք Ազգային Խորհրդարանի «Նյութական և հոգևոր մշակույթի» հանձնաժողովի անդրանիկ նիստը։
Հանձնաժողովի պատասխանատու, «Կենաց տուն» մշակութային-հասարակական կազմակերպության նախագահ Վանո Դադոյանը ներկայացրեց մշակույթի ոլորտում առկա իրավիճակը, հրատապ լուծումներ պահանջող խնդիրները և այն քայլերը, որոնք կմշակվեն հանձնաժողովի կողմից և կյանքի կկոչվեն ապագայում։
Հավաքի մասնակիցները կարևորելով քննարկվող թեմայի այժմեականությունը,
կատարեցին մի շարք առաջարկներ.
- Ճշգրտելով նյութական և հոգևոր մշակույթի անհրաժեշտ ուղղությունները, մշակել համապատասխան հայեցակարգ և այն կիրառել գործնական դաշտում,
- հստակեցնել, թե ինչպիսի՞ երկիր ենք փորձում կառուցել, այդ երկրում ի՞նչ բարոյական արժեհամակարգով քաղաքացիներ են դաստիարակվելու,
- որո՞նք են լինելու հոգևոր և նյութական մշակույթի չափորոշիչները,
- ինչպիսի՞ն պետք է լինի հայ մարդ-քաղաքացի դաստիարակող դպրոցը,
-ի՞նչ մեխանիզմներով պետք է ընթանան այս աշխատանքները,
- թատրոնի, հեռուստատեսության և տեղեկատվական հնարավոր բոլոր միջոցներով ստեղծել վաղվա Հայաստանի գեղարվեստական կերպարը, որպես տեսլական յուրաքանչյուր հայ մարդու համար։
Քննարկման ընթացքում կարևորվեց նաև ,նյութական և հոգևոր մշակույթիե հանձնաժողովի աշխատանքներին ներգրավել այն մտավորականներին, որոնց գիտական, մտավոր և կազմակերպչական հնարավորությունները հանընկնում են նշված մոտեցումներին։
Հավաքին մասնակցում էին ոլորտին իրազեկ գիտնականներ, արվեստագետներ, մանկավարժներ։
«Սարդարապատ» շարժման նախաձեռնող խմբի մամուլի ծառայություն
Saturday, June 26, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment