«Լրագիր» 15ռ7ռ2010ռ Թուրքական Hurriyet թերթը գրում է, թե Ալմաթիում ԵԱՀԿ երկրների ԱԳ նախարարների ոչ պաշտոնական հանդիպման շրջանակներում Թուրքիայի ԱԳ նախարար Ահմեդ Դավութօղլուն առանձին հանդիպումներ կունենա Հայաստանի ու Ադրբեջանի իր գործընկերների հետ: Քննարկվելու է Ղարաբաղի եւ հայ-թուրքական կարգավորման ներկայիս վիճակը: Թերթը գրում է, թե քննարկվելու է Լաչինի միջանցքի եւ խաղաղարար ուժերի տեղակայման խնդիրը:
Երեկ Էդվարդ Նալբանդյանը լրագրողների խնդրանքով անդրադարձել էր Ադրբեջանի ԱԳ նախարար Էլմար Մամեդյարովի հետ հանդիպման հնարավորությանը եւ նրա այն հայտարարությանը, թե Ալմա Աթայում քննարկվելու է Ֆիզուլիի եւ Քելբաջարի հարցը:
“Ես կարող եմ ասել, որ այդպիսի հանդիպում հնարավոր է եւ այս պահին եռանախագահները ձգտում են կազմակերպել այդպիսի հանդիպում, բայց դեռ վերջնական հաստատված չէ: Եթե այդպիսի հանդիպում կայանա, ապա առաջին հերթին պետք է պարզել, արդյոք Ադրբեջանը պատրաստ է շարունակել բանակցությունները Սանկտ-Պետերբուրգում ներկայացված մադրիդյան փաստաթղթի վերջին տարբերակի հիման վրա, ինչի մասին պայմանավորվածություն էր ձեռք բերվել ամենաբարձր մակարդակով հենց Սանկտ-Պետերբուրգում: Կարծում եմ, դա է գլխավոր խնդիրը Ալմաթիի հնարավոր հանդիպման: Մնացած երեւակայություններին մեր փոխարտգործնախարարը պատասխան արդեն տվել է”, հայտարարել էր Էդվարդ Նալբանդյանը:
Thursday, July 15, 2010
Subscribe to:
Post Comments (Atom)
No comments:
Post a Comment